تحميل كتاب مذكرات أبلة بسمة pdf الكاتب بسمة عبدالحميدمقدمة المؤلفأهلاً أهلاً، المفروض إن ده كتاب بقى وكده، بس أنا مش عايزاك تحط توقّعات عالية أوي عليه لإنه بصراحة مُذكِّرات أكتر منها كتاب. يعني هتلاقيني مرحرحة شوية في طريقة الكتابة، عشوائية حبتين تلاتة، سامحني بقى لإني مش كاتِبة، أنا مُدرِّسة، مُدرِّسة لغة إنجليزية، والكتاب ده عاملاه لأصحابي المدرسين، خصوصاً إللي لسه هيدخلوا مجال التدريس أو المدرسين الجُداد.الكتاب هيبقى عبارة عن مذكرات، مواقف أنا عديت بيها في رحلتي في التدريس خلال أكتر من عشر سنين. وبما إنه مُذكّرات فـ هيكون بيدور حوالين مواقف شخصية، وأحياناً اعترافات أول مرة أشاركها مع حد بره دايرة أصدقائي. ممكن تلاقي في النص درس مُستفاد، حكمة تايهة، معلومة عن المجال قد تكون مفيدة... أو متلاقيش أي حاجة مفيدة ولا حتى مُمتعة. لو بتتابعني على الفيسبوك أو لينكدإن، ممكن تبقى عارف جزء من الحكايات إللي هتلاقيها هنا، فـ مفيش داعي للشتيمة، ممكن تقفل الكتاب وتقوم تعمل حاجة تانية وخلاص.زي ما باين …